Seuil ispits 2023-2024
عتبات الانتقاء لمهن التمريض في المغرب 2023
عتبة الانتقاء ispits 2023-2024
إليكم معلومات عن سؤال يتم طرحه بزاف بزاف 
عتبات الإنتقاء في جميع التخصصات ب ispits للسنة الماضية 2021
-كاين لي كايقولك ماندفعش لشعبة X حيتاش بغاو غير 20 اندفع ل polyvalent طالبين 80 . هادشي خطأ حيت الشعبة لي طالبين 20 راه ايدوزوا الكونكور 200 و polyvalent باغيين 80 راه 800 واحد ايدوز كونكور ، يعني نسبة ديالك فالنجاح هي هي .
-إيسبيتس ايتطبق فيها الباكالوريوس يعني 4 سنين د القراية ابتداء من العام جاي ماشي هاد العام .
-بزاف ماباغيش يخدم فالمستعجلات و الدمايات ، ماكايبغيش يدفع ل ISUSI لهي ايرجونس كيكاتقولوا نتوما ، و كايمشي يدفع ل polyvalent ، هادشي خطأ ، الا ماباغيش الدم و المستعجلات دفع لشعبة خارج مسلك soins infirmiers اما غاع الشعب لي فهاد المسلك راه ممكن تخدم فاادم ،و بالأخص polyvalent رام ممكن بيها تخدم فاامستعجلات نيت ، و وحداخر لي داير ISUSI ممكن مايخدمش فالمستعجلات .
-واحد الفكرة ماعرفتش شكون دخلهالكم فراسكم و هي ديال البنت صعيب عليها دير ISUSI او santé mentale ، واش فخباركم ان الغالبية د طلبة هاد الشعب هما بنات ، على سبيل المثال انا داير ISUSI و برومو ديالي كنا بينا 6 د ولاد و 14 البنت .
-كاين بزاف د تساؤلات على عدد ساعات د الخدمة ، حنايا ماكانخدموش بعدد الساعات كانخدموا بالنظامات لي كاينين (système )، كاين النظام العادي (système normal) و هو الخدمة من الإثنين للجمعة و من 8 دصباح ل 4 د العشية و الويكاند و العطل ماكاتخدمهومش . وكاين نظام الحراسة (système de garde) هو كاتخدم تهار اه و نهار لا سواء من 8 د صباح ل 8 د ليل او العكس ، و الويكاند و العطل كاتخدمهوم . و ماشي نتا لي كاتختار النظام لا كاتمشي على نظام د سيرفيس لي اتخدم فيه ، على سبيل المثال CS سبيطارات الحومة كايخدموا بنظام العادي ، فحين انا المستعجلات و الإنعاش كايخدموا بنظام الحراسة .
-ناس اي ماباغيينش يخدموا بالليل ، راه أغلب الشعب كايخدموا بالليل ، ماشي غير ايرجونس ولا بوليفالو .
-ماكايناش احسن شعبة ، كاشي فيه ايجابيات و سلبيات ، بوليفالو اكثر شهرة اه لكن ماشي هي افضل شعبة ، التخدير اعلى عتبة اه ، لكن ماشي هي افضل شعبة ، المختبر كايخدموا بعيد على كحل الراس اه لكن ماشي هي افضل شعبة ، ...
-إيسبيتس فيها تمارة و حفاظة و الضعط و و و و و ، صحيح الحفاظة ثم الحفاظة ، لكن ايسبيتس مقارنة بالجامعة (بالنسبة للناس لي كايقراو بصح ) راه لاشيئ ، ايسبيتس مقارنة ب FST راه لا شيئ ، ابسبيتس مقارنة ب FMP راه لا شيئ ، ...
-ايسبيتس مافيهاش الإختبار الشفوي ، فيها اختبار الأهلية ، الا ماكنتش حمق او حمقو وماكانش اعاقة جسدية ماتخافوس منو.
-و أخيرا انصحكم ، بديرو اذن صماء و ماتسمعوش للناس لي ايقولوا كلام سلبي على ايسبيتس و لو يكونوا طلبة فيها ، هادوك مجرد حثالة ايسبيتس ، و نتمنى مانكونش طولت و الله يوفق.