المدرسة العليا للتكنولوجيا EST كتهتم بزاف بالجانب المهني من بعد عامين كتعطيك ديبلوم جامعي تكنولوجي DUT يعني من بعد عامين كتخرج تقني عالي اكيد هاد الديبلوم اذا خديتيه ماخاصكش تكتفي بيه خاصك تزيد تقرا من بعد داكشي.
علاش ؟؟عندك بززاف تاع الاختيارات :
تكمل الاجازة المهنية في EST لي كتقرا فيها او في وحدة اخرى وهادشي من بعدما كتدوز واحد الكونكور لي الاغلبية كينجح فيها و تمشي ENSA او FST من بعدما ماكتجيب DUT بنقطة ماخاصهاش تقل على 14 و دوز الكونكور باش تكمل الماستر او الولوج لسلك المهندسين في الشعبة لي كتختار (هاد الكونكور ماكيكونش سااهل بطبيعة الحال ) او تمشي ENCG للطلبة لي دايرين شعبة عندهم علاقة بالاقتصاد حتى هوما كيدوزوا كونكور مشترك مع صحاب لفاك لي كيبغيو يكملوا في ENCG الاختيار الثالث هو تمشي على براا مثلا لفرنسا اليابان الصين المانيا باش تكمل الدراسات ديالك حيث DUT مطلوب بكثرة في هاد الدول.---
الشعب لي كاينة فالمدرسة العليا للتكتولوجيا :ف EST كاينين بززاف تاع الشعب لي مايمكنش نفصلوا وحدة على الاخرى هاد الشعب ماكاينيش كلهم في كل المدن ..
كاينين اكثر من 40 شعبة مختلفة مانقدرش نقول ليكم اشنو الشعبة المزيانة حيث كل وحدة عندها امتيازات مثلا génie informatique / mécanique / electrique مطلوبين في المغرب و على على برا بشكل كبييير وخصوصا برا عندهم مستقبل كبيييير بكل معنى الكلمة.
----
العتبات : كل عام كتكون عتبة فشكل كتختالف حسب المدن مثلا كازا العتبة فيها مقارنة مع المدن الاخرين نسبيا طالعة ..
في اللوائح الاولية كتشوف بلي كيهزوا ناس تاع 18 و 17 وي سي نورمال ولكن هادشي ماكيعنيش بلي ماغاديش تقبل لا راه كيوصلوا حتى لائحة الانتظار الرابعة و الخامسة بعض المرات .. المهم اذا كانت عندك 14 مابين الوطني و الجهوي راه اكييد غادي تولج لشي EST تصل في بعض الشعب حتى 12 11 ومرات الى 10 حسب نقط كل سنة .
---
كيفاش دايرة القراية، الاجواء و النظام: 
القراية في EST عادية خاصك تخدم و غاتجيب نقط مزياانييين بززاف خصوصا فS1 وخا كتكون القضية صعيبة والطالب كولشي جديد و مبدل عليه و لكن كاينين مواد متنوعين و ساهلين بحال Français et communication , l'anglais technique , la gestion .. غالبا S2 كتكون صعيبة شويا حيث كتعمق فالاختصاص ديالك خصوصا للناس لي غايديروا GI و تقدر تبقى فشي حصة اكثر من 5 ساعات بدون توقف ..موعد التسجيل في est 2023-2024
كوني طالبة سابقة بالمدرسة العليا للتكنولوجيا أو EST إليكم بعض المعلومات :
•مدة الدراسة بهذه المدرسة سنتين يحصل فيها الطالب على دبلوم تقني متخصص أو DUT .
•يتم إدخال الوحدات (validation des modules ) بعد حصول الطالب على نقطة 12 من 20 .
•للمرور إلى السنة التانية لا بد من حصول الطالب على معدل عام يعادل أو يفوق 12 في نهاية السنة الدراسية الأولى .
•الحضور إجباري في المدرسة العليا للتكنولوجيا .
•بعد حصول الطالب على دبلوم تقني متخصص أو DUT يمكنه ولوج سوق الشغل أو الإجازة المهنية أو سلك المهندسين.