باك أحرار 2023 
باختصار شديد
باختصار شديد 
نظرا لبزاف ديال التساؤلات حول هذا الموضوع:
اول حاجة غاديرها إلى بغيتي تسجل فباك حر هو أنك تسجل فالسيت الخاص بباك حر 2023 وهاد السيت هاهو قدامك ( السيت مزال مامفتوحش تال نهار الثلاثاء 2 نونبر غير حطيتو باش كولشي يعرفو ) السيت هو كالتالي :
candidaturebac.men.gov.ma 2023
من بعد ماتجل فالسيت كاتخرج وصل التسجيل وواحد الالتزام ديال الغش وداك الالتزام كاتكاليزيه فالمقاطعة.
من بعد كاتمشي المكتبة كاتشري الملف الأبيض راه معروف خاص بالباكالوريا أحرار كايدير جوج دراهم (هاهو فالصورة قدامك)
من بعد كتاخد الصفحة الأولى ديال الملف فيه واحد البلاصة سميتها (طلب_الترشيح) داك الطلب كاتعمرو نتا بالمعلومات الشخصية ديالك ، من بعد كاتقلب الصفحة ديال الملف كاتلقا
(شهادة_الانقطاع) ديك شهادة الانقطاع كاتديها لآخر إعدادية أو آخر ثانوية قريتي فيها تما كايعمرها لك المدير ديال المؤسسة وكاتعطيه واحد الصورة ديالك يلصقها فالملف ويكاشي عليها ، والناس لي خداو تاسعة حرة هما كايخليو ديك شهادة الانقطاع خاوية تال النيابة كايعمروها تما.
من بعد كاتلقى فالملف واحد البلاصة سميتها (موجز_من_رسم_الولادة او عقد الازدياد)، هاديك كاتعمرها فالمقاطعة لي مسجل فيها أي المقاطغة لي كاتصايب فيها عقود الازدياد وكاينة واحد الخانة فالملف سميتها شهادة مدرسية هاديك مكاتعمرها ماوالو كاتخليها خاوية ، صافي هانتا عمرتي الملف ديالك وتهنيتي فيه.
من بعد ماكاتعمر الملف وتهنا فيه خاصك تجمع شي وثائق، هاد الوثائق هما :
* نسختين من وصل التسجيل (هاداك لي خرجتي من السيت ملي تسجلتي)
* التزام بالغش مصادق عليه (داك الالتزام تاهو خرجتيه فالسيت وكاليزيتيه فالمقاطعة)
* صورة شخصية أو صورتين ( كاينين نيابات كايطلبو صورك وحدة كاينين كايطلبو جوج ، نتا دي معاك جوج تصاور وتهنا)
* نسخة من البطاقة الوطنية
* أظرفة متنبرة ( هاد الأظرفة كاينين نيابات كايطلبوهم وكاينين نيابات مكايطلبوهومش ، نتا شوف الاعلان ديال النيابة ديالك إلى طلبوهم ديهم معاك كاتكتب فيهم الاسم ديالك والعنوان ديالك)
* شهادة السكنى (هاد شهادة السكنى ماشي كولشي كايديرها، كايديروها فقط الناس لي بغاو يدوزو فمدينة أخرى من غير مدينتهم الأصلية، كايديرو شهادة سكنى كاتبين أنهم ساكنين فديك المدينة باش النيابة تقبل