Seuil ENS 2023-2024
المعدل لي ممكن نتقبل بيه في المدارس العليا ؟
تحية لكل الطلاب المقبلين على الترشح للمدارس العليا للأساتذة
سؤال يتكرر كثيرا حول شنو المعدل المحدد باش نتقبل في المدارس العليا! #الجواب: ميكنش معدل محدد مسبقا لي بيه غادي تقبل، ميمكنش شي حد يقولك ها المعدل لي كين، لأن داكشي كيبقا على حسب معايير #كثيرة_أهمها: عدد المقاعد المطلوبة في كل تخصص، عدد الطلاب لي دفعو لذاك التخصص وشنو هي نقاطهم... هادي محددات أساسية لي على أساسها يا كيكون معدل الانتقاء طالع يا كيكون هابط.
#لكن_الأهم شنو هو؟ هو توجد راسك تجيب معدل جيد ايلا كنتي باقي عاد غادي دوز الامتحان الوطني.. هادي أول حاجة... ثانيا وهو تنتاظر نهار يفتح التسجيل دفع بغض النظر على النقطة لي عندك.. ولو تكون عندك فقط 10.00 دفع.. حيتاش مكينش شي حاجة غادي تخسرها من الأصل.. دفع وتساين حظك حسن من أنك مدفعش فمرة!
صحيح ايلا راه المعدل ديالك طالع في الوطني وفي المعدل العام وفي المادة لي غدفع كيخلي حظوظك أوفر وأوفر.. لكن هذا مكيعنيش أنه ايلا معدلك هابط مدفعش! لا. بل خصك دفع في كل الأحوال.
دفعتي لشي مادة... ووجد ليها شويا فداكشي لي قريتي في الثانوي ايلا غادي دفع بالباكالوريا... وجد داكشي لي قريتي في لافاك ايلا كنتي غادي دفع بالباك+1 ولا +2.
أخيرا السن باش تقبل بالباكالوريا هو مخصكش تكون فتي 21 سنة.. وبالباك+1 22 سنة.. وبالباك+2 متفوتش 23 سنة.