ينطلق التسجيل في الجامعات المغربية في منتصف شهر غشت عبر الموقع الالكتروني لكل جامعة وحجز موعد لتقديم الوثائق والتسجيل الفعلي يكون في بداية شهر شتنبر
تختلف كل جامعة على أخرى بموعد فتح التسجيلات وكذالك تقديم الوثائق لذالك وجب الانتاه للجامعة الذي تريد اكمال دراستك بها لكي لايفوتكم موعد التسجيل،هاد المنشور غادي نشرح فيه ما يتعلق بالاجازة في التربية.
الإجازة في التربية هي إجازة تم اعتمادها سنة 2018 وتدرس بالمدارس العليا للأساتذة والمدارس العليا للتربية والتكوين وكلية علوم التربية يعني را لا فرق بين ens و esef و Fse
هذه المؤسسات الجامعية تابعة للدولة وتتكون تابعة لأحد الجامعات المغربية ، كيما تتعرفو كل جامعة أو أكثر تتكون فجهة هاد الجامعة تتوفر على عدة مؤسسات كلية الطب والصيدلة كلية الآداب والعلوم الإنسانية والمدرسة العليا للأساتذة ولا المدرسة العليا للتربية والتكوين على حساب التسمية
هاد المدارس هي ذات استقطاب محدود يعني تدخل واحد العدد معين كل عام الدخول تيكون عبر مرحلتين مرحلة الانتقاء الأولي والشفوي
التسجيل غالبا تيكون فلخر د شهر 7 ولا لول د 8 تيكون عبر بوابة وطنية لي تيسجلوا فيها صحاب الميدسين تدخل تسجل فالتخصصات لي بغيتي ماشي غي واحد شريطة الباك ديالك اكون مناسب لداك التخصص وكاينين تخصصات تيقبلو جميع أنواع الباكالوريا "الابتدائي اللغة العربية اللغة الإنجليزية التربية البدنية...."
من الشروط الا غادي دفع بالباك متفوتش 21 سنة واكون عندك الباك ديال سنة لي فيها التسجيل ولاولي قبل منها مثلا الدخول الجامعي المقبل غادي اطلبو باك 2023 و 2022
مباراة المدارس العليا للأساتذة والتربية والتكوين تتكون وطنية يعني جميع المدارس تتحل التسجيل فيست واحد فتاريخ واحد.
هاد المدارس كاينة فعدة مدن الرباط تطوان الدار البيضاء مراكش فاس مكناس بني ملال وجدة أگادير برشيد الجديدة القنيطرة غي هو كل مدينة والتخصصات لي فيها.
مثلا واحد الطالب بغا اتسجل فاللغة الإنجليزية فاش تيدخل للسيت را تلقائيا تيتشجل فجميع المدارس لي فيهم اللغة الإنجليزية هو تيرتبهم حسب الاختيار.
الانتقاء الأولي تتخدل فيه مجموعة من المعايير نقطة التخصص ومواد أخرى نبقاو فتخصص اللغة الإنجليزية را متيشوفوش فقط نقط اللغة الإنجليزية فالوطني تيشوفو نقطة اللغة الفرنسية والفلسفة إضافة إلى نوع الباكالوريا ورا مكايناش عتبة محددة كل عام وكيفاش على حساب نقط الناس لي دفعوا معاك ورا لا دخل للمعدل العام للباكالوريا فعملية الانتقاء
من بعد ما تيسالي التسجيل تيسيفطو ليك استدعاء باش دوز الشفوي فالتخصصات لي تسجلتي فيهم ممكن اعيطو ليك فواحد ولا جوج ولا كاملين على حساب، كاين غير الشفوي الكتابي اوهو.
الشفوي تيسولوك أسئلة عادية يكفي فقط الاستعداد النفسي ورا ماغاديش اسولوك فشي حاجة مقريتيهاش قدم راسك غلاش ختاريتي التعليم علاش هاد التخصص بالضبط فاش شديتي الباك تيسولوك أسئلة فالتخصص ديالك وأسئلة خرى عامة بطبيعة الحال الشفوي ماشي هو كلشي يمثل فقط 40% من معدل القَبول 60% تتكون لدراسة الملف (النقط ديالك ونوع الباكالوريا وعدد سنوات الحصول عليها وواش ديال داك العام لي فيه التسجيل ولا قبل باك حر ولا متمدرس)
فاش تتدوز الشفوي تيخرجو النتائج ممكن تقبل فتخصص واحد ولا كثر وعندك الاختيار تكمل فتخصص واحد، ديك الساعة تتمشي تحط الباك ديالك وباقي الوثائق.
الدراسة فالاجازة في التربية هي 3 سنوات تتشد فيها الإجازة في التربية تخصص لي قريتي
بالنسبة للمنحة فيها بحالها بحال لافاك لكن تيكون عندك واحد التعويض ديال 1000 درهم شهريا مقابل القيام بأعمال تربوية لصالح مؤسسة تعليمية 4 ساعات فالاسبوع ما يسمى ب stage
بالنسبة للناس لي بغاو ادفعو بباك +1 ولا +2 هنا على حساب كل مدرسة والتخصصات لي تتحل فيهم التسجيل وذلك وفق شروط لي بغا ادفع بباك +1 ميفوتش 22 سنة وباك+2 23 سنة وبطبيعة الحال اكون ڤاليدا جميع المواد، التسجيل هنا تيكون فالسيت ديال كل مدرسة وكل وحدة امتا تتحل التسجيل.
الآفاق ديال الإجازة في التربية هي دفع للتعليم مع الإعفاء من الانتقاء الأولي ولا تكمل ماستر ولا دكتوراه، فبعض التخصصات ممكن دفع لشي مدارس ب Deug فالاجازة في التربية، ولا أنك تكمل ماستر ومن بعد الدكتوراه.
بالنسبة للمدرسة العليا للأساتذة بمراكش فيها التخصصات التالية
سلك الإجازة:
الإجازة في تخصص اللغة العربية
الإجازة في التربية تخصص اللغة الإنجليزية
الإجازة في التربية تخصص اللغة الفرنسية
الإجازة في التربية تخصص ابتدائي
الإجازة في التربية تخصص الرياضيات
الإجازة في التربية تخصص علوم الحياة والأرض
الإجازة في التربية تخصص الإعلاميات
الإجازة في التربية تخصص الفيزياء
سلك الماستر
ماستر تدريس علوم الحياة والأرض
ماستر ديداكتيك الرياضيات
ماستر ديداكتكيك علوم الحياة والأرض
ماستر ديداكتيك الفيزياء
الدكتوراه:
دكتوراه في علوم التربية
التسجيل في الجامعات المغربية 2024