واحد الاخت كان حلم ديالها الطب شدات باك متوفقاتش دارت لافاك قرات العام الاول والعام تاني معجبهاش تما دفعات تاني بالباك ديالها تهزات ف fst قرات عام مفاليدات والوا العام لاخر عاودات باك ليبر ودفعات الطب متهزاتش ولكن تهزات ف enam وعجباتها وها هي دبا عندها عام 2 وفرحانة.واحد الاخ شد باك دفع مدار والوا تهز ف fst mipc مفاليدا والوا ودار باك ليبر ودار الطب دبا عندوا العام التالت.واحد الاخت نجحات فالباك دارت لافاك شدات الاجازة على 4 سنين مدارت والوا دارت باك ليبر ودارت الطب واحد الاخت تقبلات ف fst قرات عامين معجبهاش داكشي دارت باك ليبر وتقبلات ف enam مكناسواحد الاخ دار encg قرا وتخرج ملقاش خدمة عاود دفع باك ليبر ودار التمريض تخرج ها هواك دبا خدام فكندا فالتمريض.واحد الاخت شدات باك ب 10 دارت لافاك القانون شدات اجازة مدارت والوا عاودات دفعات لباك ليبر اكونومي ودبا كتقرا ف encg.واحد الاخ شد الباك دار ensam قرا السوميستر الاولى معجبوش داكشي وممرتاحش فيه وجاه صعيب خرج ممشاش ل s2 وقرر يوجد كونكور د الطب وجابوا دبا عندوا عام التاني.واحد الاخت شدات باك مونسوا كانت بغا الطب بوحدوا دوزات متهزاتش وتهزات ف ensa ولكن ممشاتش قررات انها دير سنة بيضاء ووجدات الكونكور الطب ولكن مجابتوش وجاها اكتئاب ومرضات ومبقاتش حاملة راسها تدخلات الام ديالها وعاوناتها داتها الطبيب وعاناتها صاحبتها تارجعات كما كانت وقررات دير باك ليبر دفعات ودوزات وتهزات غي فالتمريض ومشات قرات عادي والعام التاني عاودات دفعات الطب وتهزات فيه ومشات قرات وخا ضيعات 5. سنين واحد الاخ شد الباك متقبل فوالوا دار سنة بيضاء وجد للكونكور ومتهز فوالوا ودار تاني سنة بيضاء اخرى ودار باك ليبر ودفع تاني وتهز ف ena هندسة معمارية.
عندك حلم تقاتل توصل وخا تكون مضيع 10 سنين من حياتك ومتكولش عمري داز ولا كبرت راه اللهم توصل معطل ولا متوصل كاع اللهم دير حاجة ضامن بيها مستقبلك ولا دير حاجة مستقبلك فيها مجهول غي كتقرا باش تبان كتقرا اما نتا براسك معاجبك داكشي وداخل سنطيحة.
متديهاش فهضرت عائلتك ولا الناس لا مداير والوا لا شوف فلان اشدار متسوقش ليهم دير داكشي للي باغي وتقاتل ونهار توصل ايبداو يمدحوا فيك ديك الساعة. التسجيل في ENSAM 2023-2024